قصه ابكتني فهل ستبكيم؟

كان يا مكان في قديم الزمان

كان في بنت اسمها عليا بنت ماشاءالله قمر عمرها تقريباَ عشر سنين وحليلها وحيدة امها وابوها امها اجنبيه وابوها اماراتي وعايشين في العين..

ويوم صار عمر عليا 18 سنه يعني فالثنويه عامه هالبنت من كثر مشاكل امها وابوها امها طلبت الطلاق من ابوها وطلقها وقالتله امها :خلي عليا عندك يعني اهتم فيها..
الاب من كثر ما يفكر بأم عليا الله كتب له الموت ومات الله يرحمه اللحين عليا وين تسير سارت عند يدتها وهاي يدتها تكرهها كره العمى فيدتها دايماً تقول لعليا انتي كريهه امج هي السبب بموت ولدي وعليا اطنش واتسير حجرتها اتذاكر دروسها ..

فيوم من الايام

قالت يدة عليا لعليا: بنتي والله ما كان قصدي اني اقولج هالكلام اعرف ان انتي ما لج ذنب بموت ابوج و انا والله ما تعرفين شكثر احبج بس موت ابوج والله صعبان علي وايد ...

عليا: لا افا عليج يدتي انا بعد من بعد امي ما كان لي حد بهالدنيا الا ابوي وانا احبج زود وزود وزود بعد والله ما تعرفين شكثر احبج ان كنتي تصرخين علي او لأ.

يدة عليا: انزين بنتي شالدراسه وياج.

عليا: والله تمام يدتي الحمدالله بنستلم الشهاده جريب وانشاءالله تكون نسبتي تبيض الويه

اليده:انشاءالله..

سارت عليا تحضر شهادتها من المدرسه وكانت نسبتها 92 او 93 من اميه ماشاءالله الاواتسير من المدرسه مستانسه بالنسبه طبعا وتبي تسير عند يدتها تبشرها بالنسبه بطلت الباب والا تجوف يدتها منعقه على الأرض ميته وعليا ذيج الساعه ما عرفت شتسوي انعقت فوقها واتصيح يدتي لا تسيرين واتخليني لا تسيرين وتنوح وتنوح وتنوح ولا حيات لمن تنادي ..

بعد ما دفنو يدتها وكل شي اللحين عليا وين تسير سارت عند عمها محمد عمها شوي عصبي ومن النوع اللي يتنرفز بسرعه يعني وماتت زوجته يعني فباتت عنده فاليوم الاول نشت من الرقاد تبي تسوي لها ريوق سارت عليا المطبخ تسوي لها ريوق وها الا ويدش عليها هزاع .

هزاع: عمره 20 سنه، ولد عمها محمد ، وعليا ما جافته من عمرها 15 سنه او 14 ، وحيد امه وابوه ..

دش عليها هزاع ،هي يوم جافته عرفت انه هزاع لأنه الوحيد من عمها ، المهم، هزاع يوم جافها انخبل قال ماشاءالله هاي عليا اللي قال ابوي عليها ماشاءالله اتهبل ..

هزاع: السلام عليج.

عليا :وعليكم السلام والرحمه.

هزاع:شالاخبار؟

عليا: تمام..وانت؟

هزاع: تمام والله.......شو تتريقين؟؟؟

عليا : هي اتريق تبي ريوق

هزاع : يا ليت..

تريقو الحبايب وسارت عليا حجرتها وسار هزاع حجرته وهو ما مصدق انه كلمها حبها الحبيب وعليا حبته..

بنت عمة هزاع اسمها ميثه دوم تتصل على عليا وتسبها سب فدق هزاع على ميثه وقال لها اذا جربتي صوب عليا يا ويلج بتجوفين شي عمرج ما جفتيه فاهمه .. ومر ايام وشهور وهم على هالحال يعني يسولفون وجي..

يوم من الايام يا ابو هزاع وقال لهزاع: يا ولدي انا ابيك تتزوج عليا.. قال هزاع: والله بفكر ابويه.

هزاع فكر وجوفوا تفكيره الغبي اونه قال :انه ما بيتزوجها لان ربيعه امه اجنبيه ويتمو يتمصخرون عليه يا ولد الاجنبيه يا ولد الاجنبيه فقال لو تزوجت بنت الاجنبيه عليا بيتمصخرون هم علي بعد فمابا اوهق عمري بعد **صدق غبي**..

فسار هزاع عند ابوه وقال: ابوي اسمحلي انا ما ابي اتزوج عليا .

ابو هزاع وهو يصيح:حرام عليك يا وليدي تعرف ان عليا ابوها مات وامها فارقتها وانا اللحين شيبت واذا اراد الله اني اموت بموت وعليا وين بتسير عسب خاطري يا وليدي تزوجها.

هزاع : خلاص خلاص يبه لا تصيح خلاص ريحك عمرك خلاص انا بتزوجها.

وعليا وهزاع تزوجوا....وفأوووووول يوم وهم رادين من العرس هزاع ما نزل شنطتها من السياره الا ويدش الحجره ويفر البشت عالكرسي .

عليا : بسم الله ..بلاك؟

هزاع وهو معصب : جب انتي ولا كلمه انا بروحي متزوجج غصب اسكتي ولا كلمه.

سكتت عليا وتحاول تشلح الفستان ما تروم وتحاول وتحاول ما رامت .

تلحفت ببشت هزاع ورقدت عالارض .. اونه عاد رحم هزاع عليا وقال لها.

هزاع: قومي عليا بشلحج الفستان.

عليا: مشكور ما ابي منك شي.

هزاع: بكيفج والله انشاءالله تبين تموتين تختنقين فالفستان موتي اختنقي بكيفج احمدي ربج ازين.

عليا : والليل امرنا الله .
اليوم الثاني:
شلحها هزاع الفستان ورقدوا الصبح:
هزاع: عليا يلا البسي بنسير المطار.

عليا: شو بنسوي هناك؟

هزاع يتمصخر عليها وهو معصب: بنحلق شعورنا وبنرد ،يعني شو بنسوي بالمطار يعني اللبسي وخلصيني..

سارو المطار ووصلو هناك وسافروا شهر العسل لألمانيا

قال هزاع لعليا: انا ابي الغدى باجر سمج

عليا : هزاع انت تعرفني اني ما اعرف اسوي سمج واذا سويته بزوع لأني ما احب السمج

هزاع : مشكلتج انا ابي سمج يعني سمج رضيتي ولا ما رضيتي ولاوالله بتجوفين شي عمرج ما جفتيه مني..

وهزاع كان دوم يتمصخر عليها ويقول لها يا بنت الاجنبيه يا اليوم وهزاع قال لعليا وين السمج عليا ما سوته جان يطقها طق ومرة ثلاث ايام وعليا على هالحال ايطقها هزاع عسب ما سوت له سمج..

اليوم السادس

ردوا الامارات ديرتهم وديرتنا فعليا خلاص عصبت كل يوم هزاع يطقها كل يوم هزاع يطقها زهبت اغراضها وسارت بيتهم اللي سكن فيه عمها خالد تمت عندهم ،فيوم من الايام عليا قالت بترد لهزاع

ردت بيتهم جافت عمها محمد سلمت عليه وقالت له: عمي وين هزاع؟

عمها محمد: والله ما ادري شو اقولج يا بنتي بس هزاع تزوج ميثه.

عليا يوم سمعت الخبر اغموا عليها وودوها المستشفى وهزاع يوم سمع خبر عليا انها بالمستشفى بسرعه سار المستشفى ودش على حجرة عليا ..

هزاع:عليا،عليا قومي عليا دخيلج انا اسف والله اسف والله ما بطقج ولا بعصب عليج وما بسويلج شي بس قومي دخيلج...

الدكتور دش وقال لهزاع: انت شو تقربلها..

هزاع وهو خاااااايف :انا زوجها،،دكتور دخيلك ردلي عليا شو فيها عليا..

الدكتور :والله عليا حبيت اقولك ان هي بتظهر من المستشفى اليوم انشاءالله و انها تحتاج للراحه شوي و....

هزاع:وشو يا دكتور..

الدكتور :والله بقولك مبروك لأن عليا حامل..

هزاع وهو مصدوووووووم : حامل ؟؟؟

الدكتور :هيه حامل..

عليا قامت تمام ومصدومه لأنها حامل سارت بيتهم وعادي جن ما مستوي شي....وهزاع يسير اسبوع عند ميثه ويومين او ثلاثة ايام عند عليا يعني لابسها ...ميثه كانت في شرات البيت اللي فيه عليا هي بحجره وعليا بحجره المهم...

بعد ما مر اسابيع وايام وايام ....مرت عليا عند حجرة ميثه وكان هزاع عندها جافت هزاع يايب لميثه هديه ويضحك معاها وعليا كانت تصيييييح وفجأه اغموا عليها عمها محمد جافها طاحت الا ويركض ركض عندها ويصارخ :هزاع هزاع تعال جوف مرتك عليا..

عليا ليش اغموا عليها:يوم جافت هزاع يضحك وياميثه ويابلها هديه وماادري شو ..تمت تقول ليش هزاع ما سوى وياي جي ليش كان يطقني ليش كان يصرخ علي حتى هدية زواجنا ما يابلي شي وميثه يسويلها كل شي تباه وكانت مقهوره يعني..

هزاع بسرعه هد هدية ميثه وسار ودى عليا المستشفى وكل عاده يقول:عليا الله يخليج قومي دخيلج عليا ...الخ

وعليا قامت وقالت لهزاع:هزاع انت ليش تسوي فيني جي انا شو سويتلك غدى وغديتك عشا وعشيتك ريوق وريقتك وميثه اللي ما تظهر حتى من حجرتها تساعدني... اسبوع اتم وياها ،اتيبلها هدايا،تضحك وتسولف وياها..

وانا لم اتي عندي في فترة اليوم او اليومين ادش الحجره لا سلام ولا سوالف ادش على طول عالكرفايه...

هزاع تأثر بالكلام و وعد عليا ان يسويلها كل شي تبااه بس تقوم بسلامه...

قامت عليا بسلامه الحمدالله وسارت البيت ،واستوى هزاع يتم عند عليا اسبوعين واسبوع عند ميثه واييب حق عليا هدايا ويسولف وياها..

لين ما استوت عليا في الشهر الثاني من حملها ، ظهرت عليا من حجرتها وجافت ميثه ..

ميثه : يا الله عليج تفكرين ان بروحج تحمليبن ماما لا يا عمري انا بعد حامل وفالشهر الاول اوكي ...

وتمت ميثه تسب عليا تسبها تسبها لين ما ميثه اكتفت ودشت حجرتها...

عليا ما قدرت تقول لها شي سكتت ويتلها دوخه عالكلام اللي قالته وعلى خبرها انها حامل حست بدوخه وهي نازله من الدري...

وداخت عليا وطاحت عالدري تمت تتقلب تتقلب تتقلب والدري طويل ،ميثه تمت تسمع شو ها ظهرت من الحجره الا وجافت عليا طايحه من الدري وطايحه على الارض ،خافت ميثه من اللي جافته بسرعه دقت تلفون على هزاع قالت له بالخبر

وجافت هزاع تأخر دقت على الأسعاف ويو وخذوا عليا وميثه سارت وياها وفالطريج ميثه تحاول توعي عليا ولكن لا حياة لمن تنادي

وصلوا المستشفى ما دشت ميثه الروم وياها ،جافت هزاع ياي...

هزاع وهو خايف : ميثه وين عليا..

ميثه : عليا داخل فالروم..

دش هزاع على عليا وهو يالس على الارض وماسك ايدها ويصيح: عليا قومي الله يرحم والديج قومي دخيلج عليا ..

عليا بطلت عيونها شوي وقالت : هزاع انا اسفه لأني بترك عالمك وعالم ميثه وبخليكم على راحتكم وتذكر اني
مهما كنت تطقني مهما كنت تصرخ علي مهما كنت تجرحني جدام ميثه انا كنت احبك وكل ما تضربني واصيح احبك اكثر ....

هزاع وهو يصارخ : عليا قومي يا بنت الاجنبيه قومييييييييييييييييييييييييييييييييييي....

ولكن لا حياة لمن تنادي وصارت عليا في خبر كان يعني ماتت... وبس

وميثه يا بت بنت سماها هزاع عليا وبس

اتمنى انكم استمتعتوا بالقصه ...

يلا اتريا ردودكم *ما بخلت عليكم،لاتبخلوا علي* lol!

مشكوووووووووووووووووور أختي عل الموضوع

مشكووورة خيتوو على القصة الجميلة Surprised

العفووو

تسلمون على مروركم الطيب