%..%..% في جوف الليالي %..%..%

من كتاباتـي المتواضعــة ..

بانتظــار آرائكــم .. وخاصـة المحسنـي ..( أحس أني بستفيد منه كثيـر )..

وبانتظار الكـل بلا شــكـ ..

أقـول فيهـا ..

ناديت في جوف الليالي ياخليلي
إسمع لقولي واصغ لي يكفي صدودك

تعال قرّب لي وخل روحك تجيلي
أنشق شذا عرفك ويأتيني برودك

بقربك أحيا وْفي البُعُد بعلن رحيلي
حياة قلبي بك وموتي في شرودك

انته لي الآمال وإنته نور ليلي
وإنته لي الفرحة وقصدي هو سعودك

بَعدك ثياب الحزن باخذ بشتريلي
لانّ الفرح شلته ولا قد هب نودك

الليل ساهر دايما إنهد حيلي
والنوم قد عل عن عيوني في بعودك

مدري اهُو جفوة ونكران الـْ جميلي
والا تبي تنسى قليب(ن) في خدودك

بلسم جراحه وْفي الظلم قلبك دليلي
وقلـّـي أنا بالله كيف أنسى وعودك

حبّـك انا منساه هو نوّر سبيلي
وصّـل قليبي لين وصّـلني حدودك

موقف حصل لي خفت أنا موقف مهيلي
كلـّمـت قلبي قلت له طوّل سجودك

دعيت أنا رب السما يغفر زليلي
يجمع قليبيبك ويكفي من عنودك

كتبت أنا قولي وبعده لك فعيلي
والأمنية إنك تجيني معْ ورودك

أهنى معك وانثر عبيرك ياخليلي
هذي النهاية لك وأتمنى حسودك

هو يبتعد عنـّك وتقرب لي في ليلي
أنام أنا وارمي نكودي في نكودك

نعيش أحلى حب نترك كل قيلي
وكل الكلام اللي بيحرمني وجودك

.:. .:. .:. .:. .:.

أتمنى أن تنال إعجابكم واستحسانكم

مشكوووووووور على الموضوووع الجميل

تحياتي : بنوته فوشية Surprised

مشكوووووووور على الموضوووع

شكرا على ردودكم

شكررررررررررررررررررررررررررررررررا مشكررررررررررررررين